٠٥‏/٠٦‏/٢٠١١

ألف سلامة عليه

التدوينة الرابعة –ضمن حملة "دون" التدوين اليومي لشهر حزيران
اليوم الصبح نزلت الصيدلية أشترى معجون سنان، دخل الصيدلية ولد عمرو 8 سنين، وبيحكي للصيدلي عمو في عندك بلاثتر  "بلاستر" ؟
الصيدلي حكالو آه في عندي بدك من  الحجم الكبير ولا الزغير ؟، الولد مافهمش
الصيدلي جابلو ياها بطريقة تانية: يا عمو يعني الجرح اللي بدك تحط فوقو البلاستر كبير ولا زغير، بردو الولد ما فهمش
الصيدلي: مطول روحو على الاخر: عمو إنت لإيش بدك البلاستر، الولد ما فهمش وشكلو مش عارف اصلا
الصيدلي زغرت روحو: ولا مين اللي باعتك عليا P:
الولد: مث عارف لإيث، بث ماما قالتلي روح هات بلاثتر للابتوب. 
وتجدر الاشارة الى انو كتير من الصبايا بخافو من اختراق اجهزتهم وتشغيل الكاميرا دون علمهم من الهاكرز متل ما انتشر بالفترة الاخيرة ولقو الحل الامثل بوضع بلاستر فوق عدسة الكاميرا
 .

هناك ١٠ تعليقات:

غير معرف يقول...

مرحبا يا رندة
أولا بدي احييكي وبدي اطلب منك طلب، ضلي اكتبي باللهجة العامية، لإنها قريبة من القلب متل ماحكيتي قلبي
وصدقيني بنبسط لما بقرألك عالصبح، بحس حالي انا اللى كاتبة الكلام
وبالنسبة للصيدلي عنجد مطول روحه هههههههههه
ومسكين الولد مش فاهم ،عنجد الحاجة ام الاختراع فى غزة

جُولاني يقول...

اللابتوب مجروح ؟

حياتنا مليئة بالأشياء الغريبة.. و مستغرب أكثر من إهتمام الناس بجمع مرتبنات المربي و بيستخدموها [اشياء تانية.

Unknown يقول...

ههههه محسوبتك بس وصل اللابتوب حطتله لــزقة .. لسه يدوب طلع من البوكس تبعه

Emtiaz Zourob يقول...

الف سلامة على اللابتوب .. بس عن جد لشو بدها البلاستر ؟؟

وشو علاقته باللاب توب .. ؟؟ ممكن تروحي تسألي امه وتيجي تخبرينا ؟؟

رندة أبو رمضان يقول...

غير معرف: أهلا وسهلا فيكي وشكرا لتشجعيك
جولاني: فعليا انا اندهشت من هيك اختراع و من كمية البلاسترات اللى شفتها فوق اللابتوبات
سحر الكلمات: انت تجربة حية لموضوع التدوينة وانا معك انو الواحد بخاف من الاختراق صراحة، لانو مش كلنا بنفهم فى هاى الامور الالكترونية
بنفسج :الك حق تسألي السؤال، كان من الاول لازم احط توضيح تحت التدوينة عن قصة البلاستر، بس هيني عملت تحرير للتدوينة وعدلتها بتقدري تعرف السبب
تحياتي

HamadA2010 يقول...

هههههههههههههههه .. عن جد يا راندا شي بيجنن .. موفقة و إلى الأمااااااام دائما ... وأنشري مقالاتك هذه على الفيس بوك .. و حتى المدونة انشريها على الفيس بوك و مش غلط تعملي ( تاغ ) يعني غشارة على رأيك في بين قوسين ( بلاستر ) بدل بلاثتر ههه .... بتمنالك التوفبق و ضللي بجد متل ما حكت احد التعليقات أكتبي بالعامية ... بتمنالك التوفيق ... HamadAmouRolA

Emtiaz Zourob يقول...

اها ، هلقيت فهمت .. عارفة انا كنت حاطة لزقة لونها اسود ع كاميرا اللاب توب ، وبعد هيك شلتها علشان تركت اثر ع الجهاز من كثر مابرفعها لما احكي مع اخواتي في الشتات !! والشتات هنا بمعنى امريكا .. مصر .. رام الله .. رفح !!

:::::::::::

عندي هواية الرجوع للخلف !

Ahmad يقول...

حلو يارنده ........بحب اقرأ هيك شغلات عفكره.......احيانا الشغلات الي بالعربيه الفصحه والمصطلحات المعقده بترهق المخ ....وبالنهايه بتوصل الفكره نفسها الي ممكن توصل بشكل احسن بالعاميه

غير معرف يقول...

عارفة تعليقك في الاخر ده فكرني بإيه؟

زي ما نكون بنحكي ف طريقة عمل المكرونة بالبشاميل، واقوم في الاخر قايلالك: ونتعلم ايه م الدرس ده؟
اننا لما نعدي الشارع نبص يمين وشمال !!

حدفتيني انتي حدفة بتعلييقك ده؟ ضحكتيني اوي على فكرة :)

مها ميهوووو

givara يقول...

لغه سلسه وبسيطه
وتدوينه تجبران الواحد يقراهل لأخرها
احسنتى
فى انتظار المزيد
والف سلامه على اللاب توب