21‏/05‏/2011

راحة البال

يمسيكم بالخير ،،

واحنا زغار من زمان زمان يعني، محنا الحمدلله هلقيت كبرنا ، مش انا لحالي ونتو أكيد معي، كنا لما ييجو عنا ضيوف وخاصة جمعة ستات ويقعدو يبرموووووو يبرمووو ومليون قصة وحدوتة،  و إيش ومين و كيف وليش ،ويلا ومعلش، وكل حدوتة تنتهي بنفس الكلمة : "اهم إشي راحة البال".
طب هي راحة البال يعني الحل السحري اللي بتحل المشكلة ولا تكونش ابرة مسكن؟ كنت اسأل حالي من وين بشتروها وبقديش؟ ليش الستات العواجيز بضلهم يحكو نف الكلمة ..
بس يا جماعة القصة مش سهلة طلعت، راحة البال هاي مش اى حدا بقدر عليها ..
قولكم راحة البال من وين نجيبها وبقديش .. ؟



هناك تعليق واحد:

وجع البنفسج يقول...

ياريت نقدر نشتريها بالمال يا رندة ، كان كلنا ارتحنا من همومنا ومنغصات حياتنا ..
والله صدقوا هالعجايز .. مافي أحسن من راحة البال ..

الله يريح بالك وبالنا وبال الجميع ...