في الجامعة من 5 سنين تقريبا، كنت بحب أقرأ لصلاح جاهين، بعجبني أسلوبو وقررت أكتب بنفس الطريقة
أغلبكم شوية.. حاولو تقرو باللهجة المصرية
الخسيس
عجبي على أبو قلب طيب
يدي الخسيس ولو إنو ما يستحَقش
لا يفيد معاه معروف ولا ضرب كفوف
أصل الخِسة فطبعو دي عادة
عجبي عليه أبو قلب طيب
فاتح قلبو تملي عيادة
مادد إيدو بخير
ما يفرق لا دة و لادة
في الزمن الخسة دي حاجة غريبة
إن الطيبة دي تيجي زيادة
إم الضفاير
البنت أم الضفاير بتلعب مع إخواتها
الصوت يلعلع بضحكاتها
يوم سبت وحد البنت كبرت
وبقت لايصة فمشكلاتها
تذاكر إيه وتحب مين؟
والشاب دا داخل حياتها
والبنت كبرت و بقت تتحب
ونفسها تعجب مليون شب
طقمين كنب
عجيبة الحياة وليها العجب
مش لاقي ياكل و اشترى طقمين كنب
الجيران مراقبة الطريق
ناس تقول إنو بريئ
وناس تقول إنو نصب
والناسين راحو وباركو وقعدو فوق طقم الكنب
نعمة
ما شافش، وطول عمرو أعمى
وعندو جبــــــــــال من الحكمة
و أخينا شايف
داير و لافف
ولا استفاد من النعمة
وعجبي..
هناك تعليقان (٢):
السلام عليكم ورحة الله وبركاته
كتابة بطريقة العبقري الراحل صلاح جاهين .. فكرة جميلة جداً ..
وكمان اسلوبك رشيق جداً في الكتابة ..
حلوة قوى رباعية كنب !!!
دام الابداع والي الامام ..
وعليكم السلام و رحمة الله وبركاته
اشكرك تامر
انبسطت انهم اعجبوك
دمتم ب ود
إرسال تعليق