20‏/08‏/2011

أنا لو استشهدت

في أسئلة معينة لازم تمر على أهل غزة فرد فرد، خاصة بظروف حرب صعبة زي اللي إحنا فيها هلقيت منهم سؤال مهم
ونا كمان بحب أسألو لحالي:
هو أنا لو استشهدت إيش راح يصير ؟
طب أنا والله نفسي استشهد والله ياخدني عالجنة
أنا مش متشائمة، بالعكس بحب الحياة الحمدلله وبحب كل الناس اللي حواليا
بس الشهادة حلوة هيك بحكو الناس .. وهيك انذكر في القرآن
هو أنا لو استشهدت الأمور بتمشي عادي؟
طب هروح الجنـــة؟
طب يا ترى في أي نتفة راح استشهد؟
ومع مين ؟ ولا هستشهد لحالي
ياترى هيك على فجأة وأنا نايمة ولا قايمة ؟
ولا وأنا قاعدة بعمل أحب الاشياء على قلبي "التدوين".

هناك 4 تعليقات:

حــــــكــــايـــة طـــفـــلــة .. أمل شراب .. ~~ يقول...

رندة حبيبيتي ..

كإنك عم بتفكري باللي في بالي و سبقتيني بالفكرة ,,

و يسلمو فيكي هالروح اللي واهبة حالها للوطن يا ريييت الكل يكون في متل هيك روح وطنية حلوة مضحية ..

haneen adam يقول...

الله يتوفنا كلنا شهداء في سبيله و يتقبلنا شهداء باذن الله و روح ع الجنه . . بقى كنا شو عم نعمل او كيف و وين مش مهم و ما اجملها لو كنا عم نعمل شئ بيحبو ربنا و سعيين فيه لسبيله

طبعا طبعا ربنا يعطيكي العمر المديد السعيد يارب و يفرج على اهلنا بغزة و يحرر ارضنا و يريحنا من جبروت و غطرست عدونا

اه نسيت اقلك انو الحياة مش بتقف عند حد .. ولا كان ثكالا الوطن اتوشحن الاسود لكان الشعب الفلسطيني كلو في حداد . . لانو ما في بيت ما بيخلا من شهيد !!

و الحياة بتستمر لانو هم وهبوها اروحهم

تقبلي مروري و الله يطول بعمرك ^_^

رندة أبو رمضان يقول...

أمل شراب: نورتي مدونتي واهلا فيكي بعالم التدوين يلا ورينا ابداعاتك
تسلمي يارب
حنين آدم: يارب يتقبلنا شهداء انا ما عندي شك باللي حكيتيه انا بنقاش مضمون السؤال من انو فعلا سؤال بيجي عبال الكل
من الزغير للكبير فى فلسطين

عبدالله ابوسفيان يقول...

موضوع جميل ومميز - مدونة جميلة ومرتبة بشكل رائع٠٠٠ كل عام وانت بالف خير